Inoiz baino hurbilago dagoen ikastola
Abusu Ikastolan hurbiltasuna zentzu guztietan:
Jarri gurekin harremanetan eta erreserbatu zure bisita
Ateak beti irekita
Abuztuan soilik zarratzen dira Abusu Ikastolako ateak, izan ere, Ikastolako egutegiko zubietan, jaiegunetan eta oporraldietan, Ikastolak bere ateak irekitzen ditu haurrei hainbat jarduera eskainiz. Egunerokoan ere, ordutegi zabal eta malgua eskaintzen dugu, eta goizeko 7:30etatik arratsaldeko 18:30etara egoten da Ikastola irekita.
Familia bat gara | Hurbiltasuna
Abusu Ikastolan harro gaude gure familien, ikasleen eta profesionalen arteko lotura sendoaz, hurbiltasunaz eta harremanaz. Gure Ikastolaren izaera hurbiltasuna da, gertutasuna, gure helburuetako bat hezkuntza komunitatearen partaideen arteko lotura bultzatzea baita. Familia handi baten eran funtzionatzen dugu; batera, elkarrekin eta elkar lagunduz. Bidea elkarren eskutik helduta osatzen dugu, gerora begira dagoen proiektu bat gara.
Otorduak bertan prestatzen ditugu
Elikadura zaintzeari garrantzia handia ematen diogu Abusu Ikastolan, horregatik sukaldari taldeak egunero Ikastolan bertan prestatzen ditu zerbitzatuko diren jakiak, kalitatezko lehengaiak, elikagai ekologikoak eta bertakoak erabiliz.
Hezkuntza integrala, hurbilekoa eta hirigunean barneratuta dagoen ingurune naturalean aurkitzen den zentro baten bila ari ginela, balioz beteriko giza talde polita aurkitu dugu, gure alaba etxean bezain zoriontsu sentiarazten duena. Eskerrik asko!
Ainara Centeno Maeso
Gure alabak bi urte daramatza Ikastolan, eta ziurtasunez esan dezaket, hartu dugun erabakirik onena izan dela Abusu Ikastola aukeratzea. Egunero poz-pozik gelan uzten dut eta garapena ikusten dut, bai, psikomotrizitate, bai, hizkuntzaren aldetik. Argi daukat irakasleen lan eta konpromezuak egiten dutela hau posible. Guraso eta umeenganako hurbiltasuna, eta umeekiko egunero erakusten duten ardura eta maitasuna niretzat oso bereziak dira.
Izaskun Garate Villanueva
Gure alaba jaio aurretik makina bat aldiz pasatzen ginen ikastola ondotik eta hasieratik atentzioa deitu zigun bertan bizitzen zen giroak, ikastola “familiar” baten itxura hartzen genion. Gune berde batzuk ere bazituelakoan geunden. Guzti hori garrantzitsua zen guretzat eta handik denpora batera egin genuen bisita gidatu batean, gure lehen aukera izango zela erabaki genuen. Orain Abusu ikastola guretzat gure alabaren bigarren etxe moduko bat da, etxe oso garrantzitsu bat, ikusten bait dugu gure alabari bertan egoteak positiboki eragin diola.
Arkaitz Gainza Aguinaga
