Inoiz baino hurbilago dagoen ikastola
Bilbon mundu
bat haZten
delako
Jarri gurekin harremanetan eta erreserbatu zure bisita
Pertsonak hazten, pedagogia aktiboa erabiliz
– Proiektu bidez ikasten
– Autonomia lantzen
– Etorkizuneko lan mundurako prestatzen
Euskaraz bizi gara
– Ingurune eleanitza landuz
– Ikuspuntu kritikoz
– Eta sormenarekin
Beharra duten familiei laguntzeko barne laguntza propioak ditugu
– Abusu Ikastolak beharra duten familientzako, barne beka programa bat du.
– Zailtasun ekonomikoei aurre egiteko, kasuan kasuko ordainketa formulak egokitzen dira.
IparHorrantza, bisita pedagogikoak
Gure iparra definituta izanik, egunerokotasunean Ikastola osoan lan egiteko dauzkagun metodologiak bertatik bertara ikusi eta testuinguru errealean ezagutzeko aukera izango dugu alde batetik eta bestetik, helduok ditugun rol desberdinetatik, garapen prozesu desberdinetan familiak aholkatu eta bidea elkarrekin egiteko helburuarekin hitzaldi desberdinekin osatutako programa anitza prestatu dugu.
IparHorrantza hamabostaldia: bisitak adin desberdinetako ikasgeletan, jantokiko hezkuntza proiektua ezagutzeko saio eta bisitak, hitzaldiak<, DBH bukatu ostean ikasleek dituzten aukera desberdinen orientazio saioak, guraso eskola, batxilergo eta lanbide heziketako ikastetxe desberdinetara bisitak, ikasle ohien kontaketak, adituen hitzaldiak , KONTAIXU bereziak …
Parte hartu eta egin dezagun bidea elkarrekin, zatoz IparHorrantzera!
Niretzako Abusu Ikastola nire seme-alabak euskaraz hazi, hezi eta bizitzeko aukera ematen duen eredua da. Euskal kulturaren ardatza. Gizarte ausarta, anitza, tolerantea, kritikoa, kooperatiboa eta ingurumenean arduratua eraikitzen oinarria duen eredua.
Zuriñe Baña
Lehenengo momentutik Abusu Ikastolan oso pozik egon gara, umeak oso pozik joaten ziren eta oso ondo zainduak (hare gehiago, maitatuak) zeudela sentitzen genuen. Txikitan ikastola “nirea” zela sentitzen nuen, nire etxea bezala, dena zen gertukoa, ezaguna eta segurua. Nire “territorioan” mugitzen nintzela sentitzen nuen Ikastolan. Gure semeak halaxe sentitzen dira Ikastolan aspaldi, eta gaur egun, gu guraso bezala ere, horrela sentitzen gara bertan, txikitan sentitzen nintzen bezala. Ikastetxe batetik haratago, komunitate bat bezala ikusten dut Abusu Ikastola gaur egun, ikasle, irakasle, beste langile eta guraso asko barne.
Alex Gonzalez
Duela 7 urte, ilusioz eta kezkaz hartu nuen nire semearentzat ikastetxe bat aukeratzeko erabakia. Guraso asko bezala, ate irekien jardunaldietara joan nintzen, eskola bakoitzak zer eskaintzen zuen jakiteko eta ezagutzaz aukeratzeko. Abusu Ikastolara joan bezain laster, lasaitu egin nintzen, hasiera-hasieratik sentitu nintzelako huraxe ingururik egokiena izango zela berarentzat.
Ama naizen aldetik, hainbat arrazoik bultzatu ninduten erabakitzera. Lehenik eta behin, izakitik ikastea ardatz duen pedagogia gauzatzeko borondatea. Bigarrenik, irakasleen tratu hurbila, atsegina eta elkarrizketazkoa. Hirugarrenik, irakasleen inplikazioa, ikasleei autonomiatik, errespetutik, elkartasunetik eta aniztasunetik laguntzen diena. Abusu Ikastolan, gainera, kooperatiba bat gara. Horregatik, batzarretan iritzia eman, bozkatu eta erabaki dezakegu. Balio kooperatiboak ikasgelatik haratago doaz. Horrela, irakasleen, irakasle ez direnen eta gurasoen inplikazioa eta konpromisoa izugarria da gure seme-alaben hazkunderako ingurune onuragarriena sortzeko. Azkenik, katalana naizenez, nire semea jaio den herrialdeko hizkuntza eta kultura ordezkatzen, babesten eta sustatzen duen gune bat aurkitu dut Bilbon. Quimek 7 urte daramatza Abusu Ikastolan, eta egunero pozik joaten da bere burua lagunduta, errespetatuta eta maitatuta sentitzen duelako. Moltes gràcies, Abusu Ikastola!
Marta Blàvia
